Festir | Vel heppnaður rýnifundur með áhugafólki um Vogabyggð 1
Festir hefur það meginmarkmið að vinna að þróun uppbyggingu og endurbótum á fasteignum og lóðum fyrir skrifstofuhúsnæði, hótel eða íbúðarhúsnæði, ýmist með sölu eða rekstur í huga.
Fasteignaþróun, uppbygging, samstarf, skipulagsmál, byggðakjarnar, hótel, skrifstofuhúsnæði, íbúðarhúsnæði, uppbygging, Vogabyggð, Héðinsreitur,
15932
post-template-default,single,single-post,postid-15932,single-format-standard,ajax_fade,page_not_loaded,,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-10.0,wpb-js-composer js-comp-ver-5.2.1,vc_responsive
 

Vel heppnaður rýnifundur með áhugafólki um Vogabyggð 1

Vel heppnaður rýnifundur með áhugafólki um Vogabyggð 1

Rýnifundur Festis ehf. var haldin 26. september á hótel Nordica en tæplega 60 manns sóttu fundinn með meira en 40 manns sem tóku þátt í rýnihópavinnunni. Þátttakendur voru af öllum aldurshópum og jöfnu hlutfalli kynja með breiða nálgun í sínum áhuga allt frá kaupáhuga til áhuga á umhverfismálum og skipulagsmálum. Heimir Sigurðsson stjórnarformaður félagsins kynnti verkefnið fyrir gestum fundarins fyrir hönd Festis ehf. og fjallaði í stuttu máli um langan aðdraganda verkefnisins.

Fyrirkomulag fundarins var þannig að farið var í hverjum hóp yfir sex megin málefni sem umræður spunnust út frá. Í grófum dráttum voru málefnin eftirfarandi; visthæfni, lóð og inngangur, bílastæðamál, hverfið, íbúðarými og álit á tillögum arkitektanna frá hollensku arkitektastofunni Jvantspijker og dönsku arkitektastofunni Rakel Karls ApS.

Líflegar umræður spunnust á fundinum sem borðstjórar á vegum MMR stýrðu og í lok fundarins kynntu borðin helstu niðurstöður í stuttu máli en þar má nefna hugmyndir um strætóbáta, sameiginleg garðsvæði til að skapa virkt nærsamfélag, noktun endurvinnalegra efna og byggingu heilsusamlegra íbúða, deilihagkerfi fyrir farartæki, hve mikil þörf væri á bílastæðum og hvort þau ættu að vera í kjallara eða í bílastæðahúsum, sameiginleg hjólaverkstæði, mikilvægi þess að fólk hafi tilfinningu fyrir umhverfi sínu og sveigjanleika í íbúðarými og nýtingu svo eitthvað sé nefnt, en almennt fannst hópunum tillögurnar mjög aðlaðandi og heillandi.

Festir mun deila niðurstöðum rýnifundarins með fundargestum og þær munu einnig verða aðgengilega hér á vefsíðu Festis ehf.