Tryggvagötureitur
Festir hefur lokið uppbyggingu á svokölluðum Tryggvagötureit eða Naustareit eins og hann er líka stundum kallaður. Verkefnið fólst í breytingu á deiliskipulagi á reit sem var í niðurnýslu. Útkoman var glæsilegt 106 herbergja hóteli ásamt 500 fermetra skrifstofuhúsnæði sem hýsir í dag auglýsingastofuna AtonJL. Auk þess prýðir fallegt torg reitinn. Hótelið fékk nafnið Exeter hótel í höfuðið á Exeter húsinu sem stóð þarna áður og var endubyggt að mestu eftir fyrri mynd og hótelið er að hluta til í. Veitingastaðurinn Lekock er til húsa á jarðhæð hótelsins. Skrifstofuhúsið er endurbyggt í nákvæmri mynd húss sem stóð áður á horni Tryggvagötu og Norðurstígs og gekk undir nafninu Fiskhöllin.
Götumyndin hefur um áraraðir verið skörðótt en með þeirri uppbyggingu sem nú hefur átt sér stað á reitnum mun upprunaleg götumynd varðveitast vel fyrir komandi kynslóðir. Um er að ræða sérlega glæsilega uppbyggingu sem er miðbænum og gömlu höfninni til mikils sóma og upplyftingar.
Date
February 17, 2016